Хабарингиз бор, «Насаф» ФМ қошидаги Нишон филиалининг 2004-2005 йилларда туғилган тайёрлов гуруҳи ва “Шўртан” ФМ қошидаги Шаҳрисабз бўлими тайёрлов гуруҳлари Андижон вилоятида мамлакат биринчилигида иштирок этишмоқда.

Кеча Нишонлик ёш футболчилар саралаш босқичининг иккинчи баҳсини пойтахтнинг “Пахтакор” клуби тарбияланувчиларига қарши ўтказишди.

Кескин ва муросасиз курашларга бой бўлган баҳсда воҳалик ёш футболчилар азалий рақибларига ҳеч қандай имконият қолдиришмади ва йирик 4:0 ҳисобида таслим этишди.

Бугун улар учинчи учрашувда Бухоролик тенгдошларига қарши майдонга тушишади.

Эртага ёш футболчиларимиз “А” гуруҳдаги навбатдаги сўнгги баҳсини мусобақа мезбони “Андижон” жамоаси билан соат 11:00 да болашади.

Кеча ”Б” гуруҳидаги иштирок этаётган Суҳроб Саттаров бошқарувидаги “Шўртан” жамоаси иккинчи учрашувда “Вобкент”(Бухоро) жамоасига 3:2 ҳисобида имкониятни бой беришди.

Бугун шаҳрисабзлик ёш футболчилар дам олишади, эртага соат 11:00 да улар ўз гуруҳидаги сўнгги учрашувни Фарғоналик ёш чарм тўп усталари билан беллашишади.

Вакилларимизнинг мусобақадаги иштирокини ёритишда давом этамиз.

Фахриддин Чориев