Россия чемпионати 15-туридан ўрин олган барча учрашувлар ўз ниҳоясига етди.

Мазкур турда “Локомотив” жамоаси ўз майдонида амалдаги чемпион “Зенит”ни қабул қилди. Марказий ўйин сифатида эътироф этилган ушбу беллашувда ҳамюртимиз Виталий Денисов  тўп сураётган “Локомотив” клуби 2:0 ҳисобида рақибини мағлубиятга учратди. Ўйин давомида фаол иштирок этган ватандошимиз Виталий Денисов ФНК талқинига кўра Россия чемпионати 15-тур рамзий терма жамоасидан жой олди.

15-тур доирасида Одил Аҳмедов ҳаракат қилаётган “Краснодар” жамоаси ҳам ғалаба қозонганини таъкидлаб ўтиш зарур. “Буқалар” ўз уйида ЦСКАни 2:1 ҳисобида мағлубиятга учрата олишди. Қўйида турнинг рамзий терма жамоаси билан танишинг:

Дарвозабон: Гилерме (“Локомотив” Москва)

Ҳимоячилар: Виталий Денисов (“Локомотив” Москва), Ян Дюрица (“Локомотив” Москва), Андреас Гранквист (“Краснодар”), Алексей Козлов (“Динамо” Москва)

Ярим ҳимоячилар: Павел Мамаев (“Краснодар”), Адилсон (“Терек”), Олег Иванов (“Терек”), Гекдениз Карадениз (“Рубин”)

Ҳужумчилар: Фёдор Смолов (“Краснодар”), Евгений Луценко (“Мордовия”)