Ўзбекистон терма жамоаси ярим ҳимоячиси Санжар Шоаҳмедов КХДРга қарши ўйиндан олдин "Интерфутбол" газетасига интервью бериб ўтди.
"Терма жамоа йиғинига ким қандай кайфиятда келганидан қатъий назар, бўлажак ўйингача барчасини унутамиз. Фикримча, ҳозир футболчилар яхши спорт формасидалар. Мураббийлар штаби кўпчилик учун мавсум ниҳоялаб бораётгани ва жисмоний кўрсаткичлар бироз пасайганини инобатга олган ҳолда, махсус режа асосида иш олиб боряпти. Ўйингача ҳамма тайёр ҳолатга келади, деб ўйлайман. Шунингдек, футболчилар билан психологик тайёргарлик ишлари йўлга қўйилган. Чунки олдиндаги ўйин жуда муҳим. Ижобий натижанинг қанчалик аҳамиятга эгалигини барча яхши тушуниб турибди. Қолган учрашувларда ғалаба қозониш учун бор диққат-эътиборни бир жойга жамлашимиз керак", - дейди футболчи.
