АҚШ футболида 10 ёшли болалар учун бош билан ўйнаш таъқиқланди. Ушбу қарор мамлакат футбол федерацияси томонидан хавфсизлик нуқтаи назаридан қабул қилинган.

Янги қоида АҚШ футбол федерацияси қўл остидаги барча футбол мактабларига жорий этилади. Шу билан бирга АҚШ чемпионатида иштирок этаётган барча клублар футбол мактаблари ҳам унга бўйсуниши шарт.

Ўтган йилнинг августида ёш футболчиларнинг ота-оналари АҚШ футбол федерациясини судга берган ва ташкилотни ёш болаларнинг бошдан олаётган жароҳатларига совуққонлик билан қарашда айблаган эди.