"Арсенал" жамоаси таркибида германиялик футбочлилар сони ортиши мумкин. SportBild нашри хабарига кўра Арсен Венгер Бундеслигадаги 2 футболчига таклиф билан чиққан.
Маълум қилинишича, "Байер" жамоаси ярим ҳимоячиси Карим Беларабий ва "Шальке" ҳимоячиси Бенедикт Хёведес билан музокаралар бошланган.
Қайд этилишича, Хёведеснинг трансфер қиймати 10 миллион еврони ташкил этади.
Маълумот учун, Бенедикт Хёведес айни вақтда 27 ёшда ва у ўз фаолиятининг биринчи йилидан бери (2007 йил) "Шальке" шарафини ҳимоя қилади. У Бундеслига ўйинларида жами 11та гол уришга эришган.
25 ёшли Карим Бельараби ўтган мавсумда жамоаси сафида 33 ўйин ўтказган ва 12та гол урганди. Янги мавсумда эса у 12та учрашувда 2та голга муаллифлик қилган.
Эслатиб ўтамиз, "Арсенал" сафида айни вақтда 2 нафар германиялик футболчи тўп сурмоқда. Булар: Месут Ўзил ва Пьер Мертезакер.
