Италия терма жамоаси бош мураббийи Антонио Конте 2016 йилнинг ёзида клубдаги иш фаолиятига қайтиши мумкин.
La Gazzetta dello Sport нашрининг хабар тарқатишича, Францияда ўтадиган Европа чемпионатидан сўнг 46 ёшли мутахассис «Ювентус»ни бошқариши мумкин.
Туринликларнинг ҳозирги бош мураббийи Массимилиано Аллегри мавсум якунланганидан сўнг ўз лавозимини тарк этиши мумкин. У Англия Премьер-лигасида ишлашга қизиқмоқда.
Шунингдек, «Милан» масвум якунида кучли учликка кирмаса, Синиша Михайловични истеъфога чиқариб, жамоага Контени таклиф қилиши ҳам мумкин.