«Ливерпуль» жамоаси бош мураббийи Юрген Клопп раҳбариятдан трансферларга сарфлаш учун ўзи истаган маблағни олади.
Calciomercatoweb нашрида маълум қилинишича, раҳбарият германиялик мутахассисга янги футболчилар олиб келиши учун 170 миллион евро ажратади.
Ўз навбатида, унга янги мавсумда Англия чемпионатида ёки ЕЧЛда ғолиб бўлиш вазифаси қўйилади.
Бироз олдинроқ, Клопп ўз жамоасига "Порту"дан Кристиан Тельони олиб келиш ниятида экани хабар қилинганди. Трансфер ҳуқуқи "Барселона"га тегишли бўлган 24 ёшли футболчининг нархи 11 миллион фунтга баҳоланган.
Шунингдек, Клопп янги жамоасига ўзининг собиқ шогирдлари, ҳозирда "Бавария" ҳужумчиси бўлган Роберт Левандовскини ҳамда "Боруссия Д" жамоасида ўйнашда давом этаётган Пьер-Эмерик Обамеянгни таклиф этишни мақсад қилган. "Барселона"нинг германиялик дарвозабони Марк-Андре тер Стеген ҳам унинг қизиқишлари доирасида турибди.
