Мавсум-2015 кашфиётлари ҳақидаги мақолаларимизни давом эттирамиз. Бу сафарги қаҳрамонимиз – Қувондиқ Рўзиев.
Ҳуқуқий жиҳатдан “Локомотив”га тегишли бўлган 21 ёшли ярим ҳимоячи мавсумни омадли ўтказди. Қувондиқ ҳар бир ўйинда ўзининг фаоллиги билан ажралиб турди. Шу боис Ўзбекистон олимпия терма жамоаси мураббийлари уни тез-тез йиғинларга жалб этиб туришибди. Қўвондиқ олимпиячилар билан бир неча йиғинда иштирок этди. Хусусан, Словакиядаги турнирда қатнашди.
Ҳозирда қўқонлик мухлислар бу ўйинчини жамоада қолишини хоҳлашмоқда. Негаки, Рўзиев ишқибозларнинг кўнглини забт эта олди.
Ёш футболчининг кейинги фаолиятида ҳам омад тилаб қоламиз.
