Манчестер Сити” ярим ҳимоячиси Самир Насри Италияга йўл олиши мумкин. Франциялик футболчини А-сериага ўзининг собиқ бош мураббийи чорламоқда. Яъни Самир Насрига “Интер” клуби қизиқиш билдирмоқда. Айни пайтда миланликларни айтиб ўтганимиздек Роберто Манчини бошқармоқда. 28 ёшли ярим ҳимоячи Насри олдин Манчини билан “Манчестер Сити”да бирга фаолият олиб борган ва италиялик мутахассис унинг имкониятларини яхши билгани учун уни ўз жамоасига таклиф қилмоқда.
Ҳозирги кунда “Интер” “Фирентина” билан 27 чоко тўплаган ҳолда биринчи ўринни бўлишиб турган бўлса, Самир Насрининг жамоаси ҳам Англия чемпионатида карвонбошчилик қилмоқда. Футболчининг ўзи эса 7 ўйинда майдонга тушиб, бир марта рақиб дарвозасини ишғол қилган.