Жанубий Америкада ЖЧ-2018 саралаш босқичи доирасида Аргентина ва Бразилия ўртасидаги ўйин бўлиб ўтди. Эслатиб ўтамиз, мазкур ўйин аслида 1 кун аввал бўлиб ўтиши керак эди, аммо кучли ёмғир туфайли 1 сутка кейинга кўчирилганди.

Биринчи бўлимда Лавесси аргентиналикларни ҳисобда олдинга олиб чиқди. Иккинчи бўлимда эса Лукас Лима ҳисобни тенглаштирди. Натижада ҳар иккала жамоа ўз ҳисобига 1тадан очко қўшиб қўйишди.

Бразилия 4 очко билан 5, Аргентина эса 2 очко билан 8-ўринни эгаллаб туришибди. Аргентина 17 ноябрь куни Колумбия меҳмони бўлса, Бразилия ўз майдонида Перуни қабул қилади.

ЖЧ-2018 саралаш, КОНМЕБОЛ, 3-тур
Аргентина – Бразилия 1:1 (1:0, 0:1)
Голлар: 1:0 – 34 Лавесси, 1:1 – 58 Лукас Лима.
Аргентина – Ромеро, Отаменди, Рохо, Ронкалья, Фунес Мори, Банега (Ламела, 81), Маскерано, Ди Мария, Биглия, Лавесси (Гайтан, 70), Игуаин (Дибала, 81).
Бразилия – Алиссон, Миранда, Филипе Луис, Дани Алвес, Давид Луиз, Виллиан (Жил, 90), Элиас, Луис Густаво, Лукас Лима (Ренато Аугусто, 63), Неймар, Оливейра (Дуглас Коста, 57).
Огоҳлантиришлар: Филипе Луис (32), Лукас Лима (60), Отаменди (62), Ронкалья (75), Маскерано (82), Давид Луиз (87).
Четлатиш: Давид Луиз (88).