ЖЧ-2018 ва ОК-2019 қўшма саралаш босқичи "H" гуруҳи 8-тур ўйинлари доирасида Ўзбекистон миллий терма жамоаси 17 ноябрь куни Тошкент вақти билан соат 20.30да меҳмонда Яманга қарши майдонга тушади. Ушбу учрашув айни пайтда Яманда нотинчлик ҳукм сураётгани учун Қатар пойтахти Доҳа шаҳрида бўлиб ўтади. Сабаби, ФИФА қарорига мувофиқ хавфсизликни таъминлаш мақсадида Яман термаси саралашдаги барча “уй учрашув”ларни айнан Доҳада қабул қилиб келмоқда.
Яман Футбол Ассоциацияси:
Ташкил топган йили – 1962 йил
ФИФА аъзоси – 1980 йил
ОФК аъзоси – 1962 йил
Яман – ОК-1976 (гуруҳ босқичи) иштирокчиси.
Энг йирик ғалабаси: 19.02.1999. Яман - Бруней 7:1
Энг йирик мағлубияти: 14.12.2002. Гонконг - Яман 5:0
Яман терма жамоаси ЖЧ-2018 ва ОК-2019 қўшма саралашининг 1-босқичида Покистонга қарши икки ўйин натижасига (3:1, 0:0) мувофиқ 2-босқичга йўл олган.
2-босқичнинг дастлабки турида КХДРни “ўз ўйида” қабул қилган яманликлар 0:1 ҳисобида имкониятни бой беришади. Лекин, орадан кўп вақт ўтмай мазкур ўйин учун Яманга (0:3) техник мағлубият ёзилади ва қўшимчасига 6 минг швейцар франки муғдорида жариймага тортилади. Боиси, ушбу учрашувда дисквалификация туфайли ўйинни ўтказиб юбориши лозим бўлган Абдулрабу Али ар-Радаининг Яман таркибида майдонга тушганлиги сабабли ФИФАнинг бундай қарорга келишига асос бўлади.
Яманга қарши биринчи даврадаги ўйин Самвел Бабаяннинг Ўзбекистон терма жамоаси бошқарувидаги илк баҳс бўлганди. Тошкентда бўлиб ўтган ўйинда Гейнрихнинг голи вакилларимизга ғалаба келтирганди.
Яманнинг 2-босқичдаги натижалари:
11.06.2015 1-тур. Яман – КХДР 0:3
16.06.2015 2-тур. Яман - Филиппин 0:2
03.09.2015 3-тур. Ўзбекистон - Яман 1:0
08.09.2015 4-тур. Яман - Баҳрайн 0:4
08.10.2015 5-тур. Яман дам олди.
13.10.2015 6тур. КХДР – Яман 1:0
12.11.2015 7-тур. Филиппин - Яман 0:1
17.11.2015 8-тур. Яман - Ўзбекистон
Ўзбекистон миллий терма жамоаси Яман билан 3 марта ўйнаган бўлса, барчасида вакилларимиз ғалаба қозонган. Тўплар нисбати: 7-1, МТЖмиз фойдасига.
1) ЖЧ-1998. Саралаш босқичи. Гуруҳ. Сано. 09.05.1997. Яман-Ўзбекистон 0:1
2) ЖЧ-1998. Саралаш босқичи. Гуруҳ. Тошкент 24.08.1997. Ўзбекистон-Яман 5:1
3) ЖЧ-2018. Саралаш 2-босқич. Гуруҳ. Тошкент 03.09.2015. Ўзбекистон – Яман 1:0
Учрашувни уммонлик ФИФА рефериси Абдуллоҳ Муҳаммад Ал-Ҳилолий (Уммон) бошқариб боради.
“H” гуруҳи. 7-турдан кейинги мусобақа жадвали.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | КХДР | 6 | 4 | 1 | 1 | 10-5 | 13 |
| 2 | Ўзбекистон | 5 | 4 | 0 | 1 | 15-6 | 12 |
| 3 | Филиппин | 6 | 2 | 1 | 3 | 5-9 | 7 |
| 4 | Баҳрайн | 5 | 2 | 0 | 3 | 7-7 | 6 |
| 5 | Яман | 6 | 1 | 0 | 5 | 1-11 | 3 |
