“Барселона” клуби ҳозирда “Спортинг” (Хихон)да ижара асосида ўйнаётган Ален Ҳалиловични трансферга қўймоқчи. Каталонияликлар унинг ижара муддати тугаганидан сўнг футболчини бирор клубга сотиб юбориши мумкин.

Marca нашрининг хабар беришича клуб раҳбарияти хорватиялик футболчини “Барселона”нинг асосий таркибига кириш учун ҳали ёш деб ҳисобламоқда ва уни сотиш орқали маблағ ишлаб олмоқчи. Ҳозирча ярим ҳимоячига аниқ таклифлар бўлгани йўқ. Лекин яқин орада воқеалар ривожи “Барселона” раҳбариятининг режаларидагидек тус олиши кутилмоқда.

Эслатиб ўтамиз, Ҳалилович жорий мавсум ла лигада 2 та гол уриб, 3 та голга ассистентлик қилишга улгурди.