Қарши Давлат университетида 2015 йилги Ўзбекистон кубоги соҳиби “Насаф” футбол жамоаси аъзолари ва олий таълим даргоҳи профессор-домлалари, талабалари билан учрашув ўтказилди.
Учрашувда ҚДУ ректори, профессор Баҳодир Шойимқулов, биология фанлари доктори, профессор Шониёз Қурбонов, таълим даргоҳи устози Йўлдош Бобожонов, университетнинг жисмоний маданият факултети 3-босқич талабаси Шоҳиста Эркаева сўзга чиқишиб, “Насаф”нинг жорий мавсумдаги улкан ғалабаси барчага шоду хуррамлик улашганини таъкидлаб, ғалабалар бардавом бўлишлигини тилашди.
-“Насаф”нинг ғалабаси-бизнинг ҳам ғалабамиз, -дейди ҚДУ жисмоний маданият факултети декани Фахриддин Эшпўлатов. – Сабаби воҳамизнинг бош футбол жамоаси таркибида факултетимиз талабалари Элдорбек Суюнов ва Ҳамза Каримов тўп тепишади. Қолаверса, Шерзод Аъзамов, Кенжа Тўраев сингари тажрибали футболчилар ҳам айнан жисмоний маданият факултетида таҳсил олишган. Бугунги учрашув бўлажак спортчилар, футболчиларга ўзига хос руҳ бағишлашига шубҳа йўқ.
Тадбир сўнггида “Насаф” устозига ҚДУ раҳбарияти томонидан алоҳида эҳтиром кўрсатилиб, ўзбекона тўн ва дўппи кийдирилди. Ўз навбатида клуб раҳбарияти ҳам университет раҳбариятига эсдалик совғаларни топширишди.
Тадбир фотогалереясини қуйидаги манзилда томоша қилишингиз мумкин.
