Яқин ўтмишнинг машҳур футболчиларидан бири Дэвид Бекхэмнинг айтишича, “Манчестер Юнайтед” жамоасининг 7-рақамли либосида майдонга чиқиш – ҳар қандай футболчи учун улкан фахрдир.
- Мен “Манчестер Юнайтед”да 7-рақамда ўйнаганимдан жуда ҳам бахтлиман. Зеро менга қадар Жорж Бест, Брайан Робсон, Эрик Кантон каби буюк футболчилар 7-рақамга эгалик қилишган. Шу сабабли ҳам мен ҳар гал бу рақам тушурилган либосда майдонга чиқишдан қувонганман.
Баъзилар “МЮ”нинг 7-рақами омадсиз дейишмоқда. Аммо бундай эмас. Ҳали Депай ҳам ўз ўйинини топиб кетади. Унга 7-рақам ҳеч қандай босим ўтказмаслиги лозим, - дейди Бекхэм.
Таъкидлаб ўтамиз, “Манчестер Юнайтед”нинг 7-рақамли либоси омадсиз дейилаётганига сабаб сифатида Криштиану Роналду кетгач бу рақамда ўйнаган ҳеч бир футболчи – на Майкл Оуэн, на Антонио Валенсия ва на Анхель ди Мария “қизил иблислар” сафида узоқ муддат юқори нотада тўп тепа олишмагани кўрсатилмоқда.
