“Ювентус”, “Интер”, “Милан” ва “Атлетико” клубларида ўйнаган собиқ ҳужумчи Кристиан Вьери бир вақтлар испан клубига кўчиб ўтганидан афсусланишини маълум қилди.
Италия терма жамоаси собиқ футболчиси унинг ўша вақтда “Кекса синьора”ни тарк этишига пуллар сабаб бўлганини тан олди.
“Бир куни Можи менга қўнғироқ қилди ва унинг офисига бордим. У ерда агентим ҳам бор эди. Можи менга маошимни оширишга тайёрлигини айтди, бироқ у 2 млрд лирадан ошмасди. Ўша вақтда “Атлетико” менга 3,5 млрд лира маош таклиф қилганди. Можига Испанияга кетишимни айтдим. У вақтда пуллар ҳақида ўйлагандим, аммо ортга қайтиш имкони туғилса “Ювентус”дан кетмаган бўлардим”, — дея Вьерининг Gazzetta Dello Sport нашрига берган инетрвьюсини келтиради Championat.com.
Эслатиб ўтамиз, Вьери “Атлетико” таркибида 1997/98-йилги мавсумда ҳаракат қилганди.