Ҳамюртимиз, "Краснодар" клуби ярим ҳимоячиси Одил Аҳмедов россиялик ҳамкасбларимизга жамоаси ушбу мавсум чемпионлик учун кураш олиб бориши ҳақида айтиб ўтди, дея хабар бермоқда Bombardir.ru.
"Ўтган мавсум чемпионлик ҳақида жиддий ўйлаган бошлаган эдик, аммо Санкт-Петербургдаги мағлубиятдан (0:4) кейин "Зенит"га етиб ололмаслигимиз деярли аниқ бўлганди.
Аксинча, янги мавсумда олтин медалларни қўлга киритиш учун яхши имкониятимиз бор. Гарчи пешқадам ЦСКАдан 12 очко ортда қолаётган бўлсакда, уларни мағлубиятга учратганимиз чемпионлик учун курашдан чиқиб кетмаслигимизга ёрдам берди. Ҳозир биз ажойиб формадамиз. Мағлубиятсиз сериямиз давом этади, деган умиддаман", - дейдм Аҳмедов.
