Лондоннинг “Арсенал” клуби бош мураббийи, франциялик мутахассис Арсен Венгер Англия чемпионатининг 13-турида ўтказилган “Вест Бромвич” -“Арсенал” учрашуви ҳақидаги таассуротлари билан бўлишди. “Канонирлар” 1:2 ҳисобида мағлуб бўлишди ва чемпионат пешқадамига айланиш имкониятини қўлдан бой беришди.

“Биз барча кучимизни бердик ва финал ҳуштаги янграгунча курашдик. Эҳтимол, биз ўзимизга жуда ишониб юборган бўлишимиз мумкин. Умуман олганда, бугун бизнинг кунимиз эмас экан: автогол, амалга оширилмаган пенальти, қўлдан чиқарилган кўплаб яхши имкониятлар. Бундай омадсизликлар одамни жуда ўкситади”, деб айтди Венгер.