«Реал» клуби сардори Серхио Рамос Испания Ла лигасининг 12-тури доирасида «Барселона»га қарши ўйинда йирик ҳисобдаги мағлубиятга (0:4) қарамай, жамоа бош мураббийини қўллаб-қувватлади.

«Агар бош мураббийга ишончсизлик билдирсак, ғалати бўларди. Биз ҳозир Бенитес ва Пересни қўллаб-қувватлашимиз шарт. Анчелотти билан муносабатларимиз илиқ эдими? Қайси томонлама қарашга боғлиқ. Тушунарлики, мураббий икки-уч йил давомида ишлаганидан кейин ўйинчиларга яқин бўлиб қолади. Бенитес эса яқинда келди.

Мухлисларнинг норозилиги? "Барселона"га ютқазганимиздан кейин мухлислар уйга хафа бўлиб кетишади. Улар ажойиб футболчиларга нисбатан ҳуштакбозлик қилишди. Бизнинг муваффақиятсизлигимиз юзасидан ишқибозларга жавоб керак. Шу боис улар ҳуштакбозлик қилишди. "Реал" учун бу оддий ҳол», — дейди Рамос.