“Челси” “Саутгемптон” ярим ҳимоячиси Садьо Мане трансфери учун курашга қўшилди. Бу ҳақда Goal.com га таяниб Bombardir.ru хабар тарқатган.

Аввал сенегаллик футболчи хизамтларига яна бир инглиз гранди “Манчестер Юнайтед” қизиқиш билдираётгани ҳақида хабарлар тарқалганди. Ўз навбатида “Саутгемптон” Манени таркибда олиб қолиш ва у билан янги шартнома имзолашни истамоқда.

Бу йилги мавсум Англия премьер-лигасида Мане 13 ўйинда 3 та гол киритган ва шерикларига тўртта натижали узатмани етказиб берган. Шунингдек, хавбек икки марта сақри карточка олган ва бир бора майдондан четлатилган.

Transfermarkt трансфер портали Маненинг қийматини 18 миллион еврога баҳоламоқда.