Бугун Европа Лигасида гуруҳ босқичининг 5-тур учрашувлари ўтказилади. Терма жамоамизнинг икки етакчи аъзоси тўп тепаётган “Локомотив” ва “Краснодар” клублари ўз майдонларида муҳим учрашувда майдонга тушишади.
Иккала жамоада ҳам плей-оффга чиқиш учун яхшигина имконият юзага келган. Фақат бундан қай даражада фойдаланиш уларнинг ўзларига боғлиқ. Виталий Денисов ўйнаётган “Локомотив” клуби ўз мухлислари кўз ўнгида Лиссабоннинг “Спортинг” жамоасини қабул қилади. Учрашув Тошкент вақти билан 23:00да бошланади.
Терма жамоамиз сардори Одил Аҳмедовнинг “Краснодар”и эса гуруҳ пешқадами Дортмунднинг “Боруссия” клуби билан муносабатларига ойдинлик киритиб олади. Баҳс Тошкент вақти билан 21:00да бошланади.
Агар бугун “Локомотив” ва “Краснодар” клублари ғалаба қозонишса, муддатидан аввал плей-офф йўлланмасини қўлга киритишади.
