"Реал" жамоаси президенти Флорентино Переснинг ҳисоблашича, "Барселона"нинг уругвайлик ҳужумчиси яхши футболчилар сирасига кирмайди. Бу ҳақда 90min нашри хабар тарқатган.
Қайд этилишича, жамоа мухлисларининг таркибни уругвайлик ушбу ҳужумчи билан кучайтириш ҳақидаги таклифини эшитган президент бунга ўз муносабатини билдирган.
"Суарес? Йўқ, у яхши футболчи ҳисобланмайди", дейди Перес.
Эслатиб ўтамиз, 21 ноябрь куни Испания чемпионатининг 12-турида ўтказилган "Эл Класико" баҳсида Суарес мадридликлар дарвозасига иккита гол урганди.
