Мадриднинг «Реал» клуби ярим ҳимоячиси Гарет Бэйл келажакда Англия чемпионатига қайтиш эҳтимоли борлигини инкор этмади.
«Мен футбол ўйнашни бошлаганимда энг юқори чўққига қадар кўтарилишни мақсад қилганман. Бу чўққи «Реал» клубидир. Мадридда совринлар ютиб олиш ва энг яхши ўйинимни намойиш этишни истайман. Мен ҳеч қачон Англия чемпионатига қайтиш эҳтимолини инкор этмаганман. Чунки келажакни олдиндан айтиш имконсиз. Аммо ҳозир Испаниядаги фаолиятимдан лаззат оляпман. Ёзда Рафаэль Бенитес билан гаплашиб олганмиз ва жорий мавсумдан кўнглим тўлмоқда», - деди уэльслик футболчи.
