Англиянинг “Лестер” клуби бу йилги мавсум АПЛ тўпурари бўлиб турган Жейми Вардининг трансфер қийматини эълон қилди, деб ёзмоқда The Telegraph хабарига таяниб Sports.ru.
“Лестер” Вардини бошқа жамоага қўйиб юбормоқчи эмас, аммо бошқа клубларнинг ўйинчига қизиқиш билдиришаётганини инобатга олиб форварднинг трансфер нархини 30 миллион фунт деб белгилади. Хабарга кўра ушбу қиймат орқали “тулкилар” футболчига харидор бўлаётган клубларни чўчитмоқчи.
Англия терма жамоаси 28 ёшли ҳужумчисининг клуб билан шартномаси 2017-йилгача амал қилади.
Агар Варди бугун АПЛ 16-тури “Манчестер Юнайтед”га қарши ўтадиган ва Тошкент вақти билан 22.30да бошланадиган учрашувда гол киритса, у ҳолда премьер-лига ўйинларининг 11 тасида кетма-кет рақиб дарвозасини ишғол қилган ўйинчига айланади ва “МЮ” собиқ форварди Рууд ван Нистелрой рекордидан ўзиб кетади.
