Дортмунднинг "Боруссия" клуби ярим ҳимоячиси Генрих Мхитарян сўнгги вақтлардаги ажойиб ўйинлари билан Европанинг гранд жамоалари нигоҳига тушиб қолди.
Бироқ футболчининг агенти Мино Райоланинг сўзларига кўра, арманистонлик футболчи қишки трансферлар вақтида "сариқ-қоралар" сафида қолади.
– Агар у жамоани тарк этадиган бўлса, июлда кетиши мумкин, – дейди Райола.
26 ёшли Мхитаряннинг дортмундликлар билан тузган амалдаги шартномаси 2017 йилгача мўлжалланган. Аввалроқ бу футболчига "Ливерпуль" ва Туриннинг "Ювентус" жамоалари қизиқиш билдирган эди.
