Хабар берганимиздек, бугун Ҳиндистоннинг Нью Дели шаҳрида Осиё Футбол Конфедерацияси йилнинг энг яхшиларини тақдирлаш маросимини ўтказади.

Биласиз, унда Ўзбекистон ёшлар терма жамоаси аъзолари Достонбек Ҳамдамов, Забиҳилло Ўринбоев ва Элдор Шомуродовлар Осиёнинг "Энг яхши ёш ўйинчиси" номинациясига номзод бўлиб туришибди.

Диққатга сазовор жиҳати шундаки, қитъамиз футбол уюшмаси бу сафар йилнинг энг яхши ҳаками ва энг яхши ҳакам ассистентини тақдирламайдиган бўлди. Шу сабабдан ҳам эълон қилинган номинациялар рўйхатида “Йилнинг энг яхши ҳаками” йўқ.

Таъкидлаб ўтамиз, шу пайтга қадар ҳамюртимиз Равшан Эрматов беш бора Осиёнинг энг яхши ҳаками деб тан олинганди. У 2008, 2009, 2010, 2011 ва 2014 йилларда қитъада тенгсиз дея эътироф этилганди.