"Реал" президенти Флорентино Перес "Барселона" ҳужумчиси Неймарни қўлга киритиш учун махсус режа ишлаб чиқмоқда.
"Мадрид" бразилиялик футболчи учун рад этиб бўлмас таклиф тайёрламоқда, дея хабар тарқатди "Mundo Deportivo" нашри. "Барселона" Неймар учун янги шартнома таклиф қилмоқда ва унга кўра футболчи йилига 15 миллион евро маош олади. Перес ҳужумчи учун бундан ҳам кўпроқ маош тўламоқчи.
Неймар ҳали "Сантос"да ўйнаётганидаёқ "Реал" унга қизиқиш билдирганди. Аммо футболчи 2013 йилда "Барселона" сафига қўшилганди.
Неймар Испания футболига тўлиқ мослашиб олди ва ҳозирда жуда ажойиб ўйин кўрсатмоқда.