Жорий йилги мавсумни 8-ўринда якунлаган "Навбаҳор" жамоасининг келгуси мавсум режалари ҳали аниқ эмас.
Одатдагидек, декабрь ойининг сўнгги ўн кунлигида маҳаллий футболчилар машғулотларни бошлалашади. Январь ойидан ташкил этиладиган йиғинларда таркибдаги барча футболчилар жамланишади.
Олинган маълумотларга кўра, жамоа таркибини айрим футболчилар тарк этади. Булар қаторига С.Шихов, А.Саматов, У.Бақоев, Ш.Эркинов, Р.Ҳасановларни киритиш мумкин. Албатта, Бахтиёр Ашурматовнинг кейинги тақдири ушбу ва бошқа футболчиларнинг келажагини аниқлаб бериши мумкин.
Ҳозирча Ашурматов борасида жамоа бир тўхтамга келмаган. Агарда Бахтиёр Аъзамович клубни тарк этса, ўрнига наманганлик бўлган ёки хориждан мутахассис келиши мумкин. Ҳар ҳолда аксарият мухлислар Ашурматовни кетишини истамоқда.
Ўз навбатида бир қанча маҳаллий футболчиларга ҳам бошқа жамоалардан таклифлар бўлмоқда. Биринчи галда Азим Аҳмедов ва Дилшод Жабборовга қизиқиш баланд. Кўрамиз, "Навбаҳор" ушбу футболчиларни таркибда сақлаб қолармикин.