ФИФА ноябрь ойи учун терма жамоалар рейтингини эълон қилди.
Ўзбекистон терма жамоаси ушбу рейтингда ўтган ойдагидан уч поғона пасайиб, 74-ўринга тушган. Айни пайтда терма жамоа ҳисобида 470 очко мавжуд.
Осиёда Ўзбекистон 6-ўринда қайд этилган. Ундан юқори ўринларда Эрон (45-ўрин), Жанубий Корея (51-ўрин), Япония (53-ўрин), Австралия (57-ўрин) ва БАА (65-ўрин) жойлашган.
МДҲ мамлакатлари орасида энг юқори натижа ўтган ойда 2016 йилги Европа чемпионатига йўлланма олган Россияга (24-ўрин) тегишли. Франция майдонларида ўтадиган Евро-2016 учун йўлланма олган Украина эса 29 ўринда. Беларусь 67-ўринда жойлашган.
Умумий рейтиингда ҳамон Бельгия терма жамоаси етакчилик қилмоқда. Бу ойда Германия терма жамоаси 4-ўринга тушиб кетгани боис, Аргентина ва Испания терма жамоалари юқорилашга муваффақ бўлган.
1. Бельгия
2. Аргентина
3. Испания
4. Германия
5. Чили
6. Бразилия
7. Португалия
8. Колумбия
9. Англия
10. Австрия
45 (43). Эрон — 653
51 (48). Жанубий Корея — 617
53 (50). Япония — 607
57 (60). Австралия — 585
65 (67). БАА — 543
74 (71). Ўзбекистон — 470
80 (80). Саудия Арабистони — 432
84 (84). Хитой — 405
86 (85). Қатар — 401
87 (82). Иордания — 399...
Тўлиқ рейтинг билан ушбу ҳавола орқали танишиб олишингиз мумкин.
