“Реал” ярим ҳимоячиси Гарет Бэйл 14-турдан ўрин олган “Хетафе”га қарши ўйиндан кейин жамоадоши Криштиану Роналду ҳақида гапириб ўтди.

- Мен яхши формага кириб бормоқдаман. Мавсум давомида ўзимнинг энг яхши ҳолатимга қайта оламан. Бир нечта жароҳатлардан кейин олдинги формамга қайтмоқдаман. Англия премьер лигаси ажойиб. Лекин ҳамма кучли футболчилар Испанияда. Қолаверса, Криштиану Роналду мен тўп тепган жамоалардаги энг яхши шеригимдир, - дейди Бэйл.

Эслатиб ўтамиз, “Хетафе”га қарши ўйинда Бензема дублга эришган бўлса, Бэйл ва Роналду бир мартадан ўз номларини таблога ёздириб қўйишган.