"Барселона" жамоаси ярим ҳимоячиси Серхио Бускетс Ла Лига 14-тури доирасида "Валенсия"га қарши кечган (1:1) ўйиндан сўнг ўз фикрлари билан ўртоқлашди.    - "Валенсия" ҳимояда ишончли ўйин олиб борди. Дуранг натижа қайд этган бўлсак-да, жамоа орқага қадам қўйди, дея олмайман. Биз турнир жадвалида пешқадам бўлиб қолдик. Ўйинимиз ҳам анча сифатли бўлди. Суарес жамоанинг асосий қисмига айланди. У клуб муваффақиятига катта ҳисса қўшмоқда, - дейди испаниялик ярим ҳимоячи.    Таъкидлаб ўтамиз, "Барселона" 34 очко билан Испания чемпионатида пешқадамлик қилмоқда. Мадриднинг икки жамоаси - "Атлетико" ва "Реал" мос равишда 32 ва 30 очко тўплаган ҳолда 2- ва 3-ўринни эгаллаб туришибди.