240та баҳсда атиги 90та гол захирадан тушган футболчилар ҳисобига ёзилди. Бу чемпионатда урилган барча голларнинг 13,74 фоизига тенг. «Жокерлар» орасида яққол ажралиб турганлар: М.Бикмаев («Локомотив», 5та), М.Бобожонов («Нефтчи», 4та), Д.Ҳамдамов («Бунёдкор», 4та) ва О.Ҳайдаров («Нефтчи»|«Қўқон-1912», 4тадан). 11та ҳолатда урилган голлар эса якунда мағлубиятдан қутулиб қолиш учун етарли бўлмади.
Жорий мавсумнинг 1-турида 2та, 2-турида 5та, 3-турида 1та, 4-турида 2та, 5-турида 3та, 6-турида 4та, 7-турида 4та, 8-турида 7та, 9-турида 1та, 10-турида 1та, 11-турида 3та, 13-турида 1та, 14-турида 2та, 15-турида 3та, 17-турида 2та, 18-турида 3та, 19-турида 4та, 20-турида 3та, 21-турида 3та, 22-турида 2та, 23-турида 2та, 24-турида 7та, 25-турида 3та, 26-турида 3та, 27-турида 2та, 28-турида 3та, 29-турида 5та, 30-турида 7та гол захирадан тушган футболчилар томонидан урилган. 12 ва 16-турларда эса захира ўриндиғи вакиллари гол ура олишмади. 2-давра ўртасигача бу борада оқсаган «Динамо» ўзидаги бу камчиликни 24-турда тўғирлаган бўлса, «Насаф» «жокер»и илк ва ягона голни 26-турга келиб урди. Ўтган мавсумда ҳам «Локомотив» «жокер»лари бошқаларга нисбатан кўпроқ гол уришганди - 12та. Бу йил эса «темирйўлчилар» ўтган йилги натижани биттага яхшилашди.
6, 7-турларда «Олмалиқ» клуби бош мураббийи Игорь Шквирин «Бухоро» ва «Қизилқум» клубларига қарши баҳсларда, 15, 24-турларда «Локомотив» клуби бош мураббийи Вадим Абрамов «Навбаҳор» ва «Олмалиқ»қа қарши ўйинларда, 19, 29-турда «Шўртан» клуби бош мураббийи Мухтор Қурбонов «Динамо» ва «Навбаҳор» клубларига қарши баҳсларда, 8-турда «Қизилқум» клуби бош мураббийи «Қўқон-1912»га қарши баҳсда, «Пахтакор» клуби бош мураббийи Н.Ҳасанов «Қизилқум»га қарши баҳсда, 28-турда «Бунёдкор» клуби бош мураббийи Б.Бобоев «Андижон»га қарши баҳсда захирадан ўйинчи тушириш орқали бир баҳснинг ўзида 2тадан гол ишлашди.
Захирадан майдонга тушган футболчилар орасида О.Зотеев («Локомотив»), Н.Алимов («Қизилқум») ва Ш.Жумабоев («Андижон») ўйинга тушгандан сўнг 1 дақиқа, М.Мамазулунов («Навбаҳор») ва И.Таран («Шўртан») 2 дақиқа, З.Абдуллаев («Металлург»), О.Зокиров («Динамо») ва Д.Исмоилов («Олмалиқ») эса 3 дақиқа ичида ўзларини кўрсата олдилар.
