"Барселона" клуби мураббийлар штаби "Фиорентина" жамоаси ҳимоячиси Маркос Алонсога қизиқиш билдирмоқда, дея хабар беради Sport интернет нашри.
Манбада ёзилшича, каталон клуби бу футболчини келаси мавсум ўз сафига қўшиб олишга ҳаракат қилишни режалаштирмоқда. Алонсо итальян клуби билан тузган амалдаги шартномаси 2016 йил июнида якунига етади ва у Испанияга эркин агент сифатида йўл олиши мумкин.
Таъкидлаш жоиз, Алонсо Мадридда туғилган ва "Реал" футбол академиясида ўйнаган. Бу мавсум Италия чемпионатида 12 учрашувда майдонга тушиб, 2 гол (3 пас)га муаллифлик қилган.
