«Рома» сардори Франческо Тотти жамоа билан янги шартномага имзо чекиши мумкин.
Аввалроқ ҳужумчи 2016 йилда футболчилик фаолиятини якунлаб, клубдан раҳбар лавозимлардан бирини эгаллаши режалаштирилганди. Лекин Тотти футболчи сифатида яна бир йил жамоага ёрдам бермоқчи эканини таъкидлаган.
«Рома» президенти Жеймс Паллотта билан шартномани узайтириш ҳақида келишувга эришилиши кутилмоқда. Аммо Тоттининг ўзи жароҳатдан тўлиқ соғаймагунча бу ҳақда расмий баёнот берилмайди.
Эслатиб ўтамиз, 39 ёшли футболчи Италия А серияси тарихида тўпурарлар рўйхатида иккинчи ўринда бормоқда. Тотти Сильвио Пиоладан 29та голга ортда қолмоқда.