«Милан» жамоаси мавсум якунида таркибни жиддий тарзда ўзгаришни режалаштирмоқда. Шу сабаб бир неча футболчиларнинг ёзда клубни тарк этиши кутилмоқда.
«Россонери»нинг режасига кўра, ижарада ўйнаётган ҳужумчилар Марио Балотелли («Ливерпуль») ва Алессио Черчи («Атлетико») харид қилинмайди. Шунингдек, июнда яна олти нафар футболчининг шартномаси якунига етади. Унга кўра, клуб Алекс, Филипп Мексес, Кристиан Сапата ва Антонио Ночеринога янги келишув таклиф қилмайди. Булар орасида бир нечтаси январдаги қишки трансферлар вақтида сотиб юборилиши ҳам мумкин. Фақатгина Риккардо Монтоливо ва Кристиан Аббьяти миланликлар билан шартномаларини узайтириши кутилмоқда. Аммо жамоа раҳбарияти сардор Монтоливонинг маошини камайтирмоқчи, дея хабар беради Milan News.
Эслатиб ўтамиз, «А» серия 15-туридан сўнг Синиш Михайлович шогирдлари 23 очко билан 8-ўринда бормоқда. Кейинги турни улар ўз майдонида «Верона»га қарши ўтказади.