"Реал Мадрид" клуби етакчиси Криштиану Роналду "Мальмё"га қарши кечган ўйиндан аввал ўйин вақтида мухлислар Рафаэль Бенитесга норозилик билдириб, хуштак чалишганидан ҳайратга тушди.
"Мен мухлисларнинг бундай қилишини кутмагандим. Муаммо нимада эканини тушунмадим. Мухлислар билганини қилиши мумкин, аммо Рафа ўз ишини уддалаяпти. Унга "Реал"да бироз вақт керак", - Роналду сўзларидан иқтибос келтиради AS нашри.
Эслатиб ўтамиз, Роналду "Мальмё" дарвозасига тўртта тўп киритиб, ЕЧЛ гуруҳ баҳсларида голлар сонини 11 тага етказди ва янги рекорд соҳибига айланди.