"Барселона" клуби президенти Хосеп Мария Бартомеу клуб президентлигага ўз номзодини қўйган вақтда Дортмунднинг "Боруссия"си аъзоси Марко Ройсни Каталонияга олиб келмоқчи бўлган, дея хабар беради Испаниянинг Sport интернет нашри.
Бартомеу ўшанда немис футболчиси ва унинг агенти билан ҳам учрашган. Аммо Ройснинг ўзи "кўк-анорранглилар" сафига ўтишни истамаган. Буни у Испания грандида ўйнаш учун етарли даражада кучли эмаслиги билан изоҳлаган экан.
Эслатиб ўтамиз, Дортмунд клуби етакчиси бу мавсумда Бундеслига баҳсларида 12 ўйин ўтказиб, 8 гол (2 пас)га муаллифлик қилган.
