Малайзия пойтахти Куала-Лумпур шаҳрида давом этаётган "SuperMokh Cup 2015" мусобақаси қизғин паллага кириб бормоқда.
“Бунёдкор-2003” футболчилари мусобақани муваффақиятли ўтказишмоқда. Фурқат Самегов ва Алишер Иброҳимов шогирдлари гуруҳ босқичининг сўнгги турида Таиланднинг “Бурирам Юнайтед” жамоасидан 3:0 ҳисобида устун келди. Пўлатхўжа Холдархонов “дубль” қайд этган бўлса, Саидмурод Каримов яна битта голга муаллифлик қилди. Шу тариқа, “Бунёдкор” гуруҳ босқичининг 4та учрашувида 3та ғалаба қайд этган ҳолда кейинги босқичга 2-ўрин билан йўлланма олди.
“Бунёдкор” U-12 жамоаси чорак финалда Таиланднинг бошқа бир жамоаси “Чонбури” билан куч синашади.
“SuperMokh Cup 2015”
U-12, “А” гуруҳи
5-тур, 11 декабрь
08:30. “Букит Жалил” стадиони
“БУНЁДКОР” – “БУРИРАМ ЮНАЙТЕД” (Таиланд) 3:0 (1:0)
Голлар: Пўлатхўжа Холдархонов 2та, Саидмурод Каримов
“Бунёдкор” таркиби: 1.Хумоюншоҳ Сайётов, 4.Сардор Дусебаев, 5.Баҳодир Тохиров, 7.Иброҳимбек Баҳодиров (С), 8. Пўлатхўжа Холдархонов, 11.Константин Усов, 16.Усмонали Абдукаримов, 17.Диёрбек Одилжонов, 18.Умарали Раҳмоналиев
Захирадан майдонга тушганлар: 3.Зуфаржон Абдунабиев, 6.Хусан Мўминов, 9.Саидмурод Каримов, 13.Усмонжон Равшанов, 14.Мустафо Абдуманнопов, 15.Ўткирбек Раҳимов
Сергей Чигодаев ва Акмал Рисқуллаев бошчилигидаги “Бунёдкор-2002” аъзолари Загребнинг “Динамо” жамоаси билан қийин учрашув ўтказишди. Ўйиннинг биринчи бўлимидаёқ “қалдирғочлар” майдонда 9 киши бўлиб қолишди. Дарвозабон Мўминмирзо Қодиров ва ҳужумчи Шохжаҳон Иброҳимовга учрашувни бошқариб борган ҳакам қизил карточка кўрсатди. Шунга қарамасдан вакилларимиз танаффусгача 0:0 ҳисобини ушлаб туришди. Бироқ ўйин охиригача бундай шароитда тўп тепиш тарбияланувчиларимизга оғирлик қилди. Иккинчи бўлим ўрталарида хорватияликлар дарвозамизга иккита тўп киритишиб, ғалабани илиб кетишди.
Энди “Бунёдкор”нинг U-13 жамоаси эртага (12 декабрь) Бразилиянинг “Коринтианс” жамоаси билан куч синашади.
“SuperMokh Cup 2015”
U-13. 11 декабрь
“Плей-офф” босқичи
11:00. Куала-Лумпур футбол академияси стадиони
“БУНЁДКОР” – “ДИНАМО” (Хорватия) 0:2 (0:0)
Четлатишлар: Мўминмирзо Қодиров, Шоҳжаҳон Иброҳимов
“Бунёдкор” таркиби: 25.Мўминмирзо Қодиров, 2.Абдул-Азиз Юсупов, 4.Диёрбек Раҳимқулов, 5.Аббосбек Аширалиев, 3.Любомир Бондаренко, 7.Жасурбек Жалолиддинов (С), 9.Абдурауф Бўриев, 10.Шоҳжаҳон Иброҳимов, 11.Отабек Жўрақўзиев, 13.Аброрбек Нейматов, 17.Жасурбек Абдулеков
Захирадан майдонга тушганлар: 1.Глеб Харин, 6.Жўрабек Рихсибоев, 15.Абдуқодир Хусанов, 16.Сардор Абдурашидхўжаев, 18.Собир Норбоев, 19.Фарруҳбек Хожибеков
