Япония яшил майдонларида клублар ўртасидаги Жаҳон чемпионати баҳслари давом этмоқда.

Ушбу нуфузли мусобақада бугун чорак финал ўйинлари ўтказилмоқда. Дастлабки баҳс Мексиканинг “Америка” ҳамда Осиё Чемпионлар Лигаси ғолиби саналган “Гуанчжоу Эвергранд” жамоалари ўртасида кечиб, унда Хитой клуби ғалабага эришганди.

Бироз олдин чорак финалнинг яна бир ўйини ўтказилди. Унда Япониянинг “Санфречче Хиросима” жамоаси Африка вакили “Мазембе” билан ўзаро тўқнаш келди. Япон клубининг устунлиги остида кечган матч 3:0 ҳисобида тугади. Шу тариқа клублар ўртасидаги Жаҳон чемпионати ярим финалига Осиёнинг 2 та жамоаси йўл олди. “Гуанчжоу” “Барселона” билан тўқнаш келса, “Санфречче” “Ривер Плейт”ни енггишга уриниб кўради.

Мазембе Конго ДР – Санфречче Хиросима Япония 0:3

Голлар: 0:1 – 44 Сиотани, 0:2 – 56 Тиба, 0:3 – 78 Асано.

Мазембе: Гбоуо, Кимваки, Кулибали, Кисси Боатенг (Болинги, 69), Диарра, Фримпонг, Синкала (Калаба, 63), Траоре, Ассале, Саматта, Сингулума (Улимwенгу, 46).

Санфречче Хиросима: Хаяси, Микич (Мидзумото, 82), Сиотани, Сасаки, Аояма, Тиба, Тядзима, Касива, Морисаки, Дуглас (Минагава, 88), Сато (Асано, 75).

Огоҳлантиришлар: Кулибали (12), Синкала (13), Болинги (79), Сасаки (80).