«Реал» ҳужумчиси Криштиану Роналду Ла лиганинг 15-тури доирасида «Вильярреал» дарвозасига гол ура олмади (0:1). Шу тариқа форвард Испания чемпионатида голлар сони бўйича 2010 йилдан буён энг ёмон натижа қайд этмоқда.

Португалиялик футболчи ушбу мавсумнинг 15та ўйинида 10та гол урди. Роналду Испанияга келган дастлабки мавсумни ҳисобга олмаганда, энг паст самарадорлик кўрсатмоқда. 2009 йилда у жароҳатлар туфайли кўп ўйинларда майдонга туша олмаганди.

Криштиану Роналдунинг «Реал» сафида мавсумлар бўйича дастлабки 15та турда урган голлари сони:

2015/16 — 10 гол (15та ўйинда),
2014/15 — 25 (14),
2013/14 — 17 (14),
2012/13 — 13 (15),
2011/12 — 17 (14),
2010/11 — 17 (15),
2009/10 — 7 (8).