Хабарингиз бор, бугун Швейцариянинг Ньон шаҳрида Европа чемпионлар лигаси 1/8 финал баҳсларига қуръа ташлаш маросими бўлиб ўтди. Қуръа натижасига кўра, Италиянинг "Ювентус" жамоаси "Бавария" билан тўқнашадиган бўлди.

“Бавария” расмий сайтининг ёзишича, мюнхенликлар аъзоси Артуро Видаль учун “Ювентус”га қарши ўйнаш осон бўлмайди.

- Туринда кўплаб дўстларим қолишган. “Ювентус” билан 1/8 финалда эмас, финалда тўқнаш келсак яхши бўларди. Аммо на илож! “Ювентус” билан бўладиган ўйинни интиқлик билан кутаман. Жамоа ёздан буён анча ўзгариб кетди, - дейди чилилик футболчи.

Таъкидлаб ўтамиз, Артуро Видаль “Бавария”га келгунга қадар айнан “Ювентус” шарафини ҳимоя қилганди.