Футбол бўйича Қирғизистон терма жамоаси Ўзбекистон миллий термаси билан ўртоқлик учрашуви ўтказиш ниятида.
Қирғизистон футбол федерацияси расмий сайтининг маълумот тарқатишича, қўшни мамлакат вакиллари бизнинг терма жамоа билан ўртоқлик ўйини ўтказишмоқчи. Бу борада қирғизистонликлар расмий таклиф билан чиқишган. Мазкур ўйин катта эҳтимол билан келаси йилнинг июнь ойида ўтказилиши мумкин.
Шуни таъкидлаш жоизки, Қирғизистон июнда ўйин ўтказиш борасида шунингдек, Қатар, БАА ҳамда Қозоғистон терма жамоаларига ҳам таклиф юборган.