Кўринишидан, жаҳон футболида янги мегаюлдуз бош кўтармоқда. Яъни Криштиану Роналду ва Лионель Месси даражасидаги ижрочи. Бу - бразилиялик Неймар. «Барселона» вакили ҳозир 23 ёшда ва келажаги ниҳоятда ёрқин бўлишини тахмин қилишга асослар етарли. Хусусан, статистика тили билан айтсак, у айни пайт Криштиану ва Леонинг 23 ёшли ҳолатига нисбатан кўпроқ ютуқларга эришди. Яъни Месси ва Роналду 23 ёшгача баъзи жиҳатлар бўйича Неймарчалик муваффақият қозонишмаганди.
* * *
Неймар ҳозир топ-клубда ўйнамоқда. Месси ҳам, Роналду ҳам 23 ёшлик пайти шундай жамоада тўп сурарди.
* * *
Совринлар масаласида Месси яққол устунликка эга. Чунончи, у 23 ёшигача 10та нуфузли совринни қўлга киритиб улгурганди. Неймарда ҳозирда бундай совринлар сони 4та.
* * *
Терма жамоадаги фаолият бўйича олсак, 3 нафар юлдуз деярли бир хил кўрсаткичга эга. Фақат, голлар статистикаси Неймарда анча яхши. У ҳозиргача Бразилия термаси учун 46та гол урди. Роналду 23 ёшигача 21та, Месси эса 15та гол ҳосил қилганди, холос.
* * *
23 ёшли Роналду 60 млн. еврога баҳоланган бўлса, Мессига 100 «лимон» нарх қўйилганди. Неймарнинг айни пайтдаги транс-фери ҳам 100 млн. еврога баҳоланмоқда.
* * *
Маош бобида фарқ унча катта эмас, аммо ҳомийлик шартномалари тушуми бўйича Неймар яққол олдинда. У ҳозир бу борада йилига 19 млн. доллар топади. Месси ҳам, Роналду ҳам 23 ёшли пайти бундай даромадни хаёлига келтирмаганди.
* * *
23 ёшли Неймар айни пайт оила бошлиғи ва ота. 23 ёшида на Роналду ва на Месси ота бўлганди.
