Халқаро футбол федерацияси (ФИФА)даги коррупция иши бўйича ҳибсга олинган Гондураснинг собиқ президенти Рафаэль Кальехас тўрт миллион долларни гаровга қўйиш эвазига озодликка қўйиб юборилди. Бу ҳақда AFP берган маълумотларга асосан «РИА Новости» хабар қилмоқда.
Кальехас ФИФАдаги коррупция можароси бўйича қўйилган айбловларга жавоб бериш учун ихтиёрий равишда АҚШга келганда, 16 декабрь, чоршанба куни ҳибсга олинган.
1990—1994 йилларда Гондурас президенти бўлган Кальехас ФИФАнинг маркетинг ва телевидение бўйича қўмитаси аъзоси ҳисобланади.
Эслатиб ўтамиз, Швейцария адлия федерал бюроси (FOJ) ФИФАдаги коррупция иши бўйича текширувлар доирасида АҚШ сўрови бўйича бир неча ўн миллион Швейцария франки миқдоридаги маблағни музлатиб қўйган эди.
