Англиянинг "Лестер" жамоаси барчани лол қолдиришда давом этиб, Премьер-лига турнир жадвалида етакчилик қилмоқда. Клаудио Раньери шогирдлари 17-турда "Эвертон" меҳмони бўлиб қизиқарли кечган баҳсда 3:2 ҳисобида зафар қучишнинг уддасидан чиқишган эди.
Гап шундаки, "тулкилар" ўтган мавсумда 17-турдан сўнг турнир жадвалининг сўнгги поғонасини банд этган бўлса, бу мавсум биринчи ўринда бормоқда.
Бу натижани Премьер-лига тарихида "Норвич Сити" жамоаси қайд этган. Ўшанда бу жамоа биринчи дивизиондан чиқиб, ўзига хос рекорд ўрнатган эди.
Бундан ташқари "Лестер" аъзолари Жейми Варди 15 ва Рияд Маҳрез 13 гол билан тўпурарлар рўйхатини бошқариб боришмоқда.
