Россиянинг «Матч ТВ» телеканали шарҳловчиси Нобель Арустамян Москванинг «Спартак» клуби пойтахтнинг бошқа бир жамоаси «Динамо» ҳужумчиси Александр Кокоринга қизиқиш билдиргани борасида тўхталиб ўтди.
«Менга маълум бўлишича, «Спартак» Кокоринга ўта жиддий таклиф билан чиққан. Аммо, охир-оқибатда, Кокорин барибир «Спартак»ка эмас, Англияга кетишни маъқул кўрган.
Уни Арсен Венгер ўз жамоасида кўришни жуда истамоқда», — дея Арустамяндан иқтибос келтиради «Чемпионат» нашри «Матч ТВ» телеканали эфирида берган маълумотига таяниб.
Эслатиб ўтамиз, олдинроқ «канонирлар» ҳужумчиси Дэнни Уэлбек жароҳатидан қутула олмаган тақдирда Кокорин «Арсенал»га январда 6 миллион евро эвазига ўтиши ҳақида хабарлар тарқалганди. Кейинроқ Кокориннинг агенти бу хабарни инкор қилиб чиққанди.
