«Манчестер Юнайтед» ҳужумчиси Уэйн Руни жамоа бош мураббий Луи ван Гални тўла қўллаб-қувватлашини айтиб ўтди. Футболчининг фикрича, мураббий шаънига бўлаётган танқидлар асоссиз ва мутахассис жамоани мураккаб вазиятдан олиб чиқиб кета олади.
«Мураббий учун курашамиз, вазиятни ўнглашга ҳаракат қиламиз. Кўп одамлар кўп нарсадан бехабар бўла туриб, худди ҳамма нарсани биладигандек гапиришади. Журналистлар ҳам ҳақиқий аҳволни билмасдан кўп нарса ёзишяпти. Биз "Манчестер Юнайтед"да ўйнаётганимиздан хурсандмиз», - дейди Уэйн Руни.