«Манчестер Юнайтед» бош мураббийи Луи ван Гал кетма-кет бир нечта муваффақиятсиз ўйинлардан кейин машғулот жараёнига нисбатан ўз услубини ўзгартирди.
Шу пайтгача мураббийнинг иш услубига нисбатан жамоа футболчилари ўз норозиликларини билдириб келишаётган эди. Бундан бир неча кун аввал голландиялик мутахассис жамоа етакчилари - Крис Смоллинг, Уэйн Руни, Хуан Мата ва Майкл Кэррик билан машғулот жараёнини муҳокама қилди.
Клуб етакчилари мураббийга натижани яхшилаш учун қўлдан келган барча ишни қилишга ваъда беришганидан кейин ван Гал иш услубини юмшатишга рози бўлди. Масалан, овқатлаш тартиби ва Рождество кунги машғулот енгиллаштирилди.