Англия чемпионатининг 18-тури доирасида "Ливерпуль" ўз майдонида мусобақа пешқадами "Лестер"ни қабул қилди.

Юрген Клопп шогирдлари илк дақиқалардан катта иштиёқ билан олдинга ташланишди. "Тулкилар" эса ўз услубларига содиқ қолиб ҳимоявий ўйинни танлашди. Вазиятларни муваффақиятли якунлашда мерсисайдликларга сўнгги узатма ёки сўнгги зарба етишмади. Биринчи бўлим сўнгида "Лестер" томонидан ташкил этилган қарши ҳужум хавфли чиқди. Маҳрезнинг зарбасини Миньоле қайтаришга муваффақ бўлди.

Иккинчи бўлимда ҳам ўйин суръати ўзгармади. Ташаббусни қўлдан бой бермаган мезбонлар ниҳоят 63-дақиқасида ҳисобни очди. Фирмино томонидан чап қанотдан етказилган узатмага Бентеке 11 метрли нуқта устида зарба берди ва дарвозани ишғол қилди.

Шундан сўнг "Лестер" олдинга ўта бошлади. Аммо дарвозабон Миньоле ва ҳимоячилар рақибга имконият беришмади. Аксинча, қўшиб берилган дақиқаларда Бентеке бўш дарвозани ишғол қила олмади. Шмейхель жамоасининг ҳужуми пайтида мезбонлар жарима майдончасига бориши оқибатида қарши ҳужумда Кристиан дарвоза олдида бир ҳимоячи билан ёлғиз қолди. Ҳимоячи Бентекенинг зарбасини қайтарди.

Шунга қарамай, ливерпулликлар бир нечта муваффақиятсиз ўйинлардан кейин пешқадамни мағлубиятга учратишди ва ўз очколарини 27тага етказишди.

АПЛ, 18-тур
Ливерпуль – Лестер 1:0 (0:0, 1:0)
Гол: 1:0 – 63 Бентеке.
Ливерпуль – Миньоле, Сако, Морено, Клайн, Ловрен, Хендерсон, Жан, Коутиньо (Лейва, 90), Лаллана (Аллен, 90), Фирмино, Орижи (Бентеке, 38).
Лестер – Шмейхель, Морган, Фукс, Симпсон, Хут, Канте, Кинг, Олбрайтон, Марез (Крамарич, 80), Окадзаки (Дайер, 69), Варди (Ульоа, 69).
Огоҳлантиришлар: Лаллана (45), Жан (52), Хут (62).