«Манчестер Юнайтед» бош мураббийи Луи ван Гал АПЛнинг 18-тури доирасида«Сток Сити»га қарши ўйин (0:2) борасида ўз фикрларини билдириб ўтди.

«Босим биз учун жиддий муаммога айланди. Мен қўлдан келган барча ишни қиляпман, аммо ўйиндан ўйинга босим ошиб бормоқда. Бу муаммони ҳал қилиш керак.

Ҳозир аҳволимиз оғир. Жамоанинг тўртта мағлубиятида менинг ҳам айбим бор, мен ҳозир барчанинг диққат марказидаман. Бу вазиятдан чиқиб кетишим керак. Энг муҳими, футболчилар бундай ҳолатдан чиқиб кетиб, сифатли ўйин намойиш қилишни бошлашлари керак.

Руни ҳақида тўхталадиган бўлсам, мен ўз футболчиларимга ҳамиша ишонаман. Машғулотда уларнинг қандай ишлаганини кўрдим. Улар яхши ўйин кўрсатишни исташганди, лекин вазият мураккаб бўлди. Гап фақат шамолда эмас. Жамоа яхши ўйин кўрсата олмаётганига босимни сабаб сифатида кўрсатаман.

«Манчестер Юнайтед»да қоламанми? Бу нарса ҳамиша савол остида. Мен жамоадагиларнинг қўллаб-қувватлашини ҳис қиляпман.

Сиз (журналистлар) мени шарманда бўлди деб ёзишинглар мумкин. Лекин мен бундай деб ҳисобламайман. Жамоа мени четлатиши ёки истеъфога чиқариши шарт эмас. Баъзида буни ўзим амалга ошираман», – дейди ван Гал.