Англия Премьер-лигасининг 18-турининг сўнгги баҳсида кутилмаган натижа қайд этилди. "Лестер" Ливерпулда имкониятни бой берганидан кейин "Арсенал"да жадвалнинг энг юқорисига кўтарилиб олиш имконияти юзага келганди. Аммо "Саутгемптон" нафақат бунга имконият бермади, балки "канонирлар"ни "нокдаун"га учратишди.

Биринчи бўлимнинг 19-дақиқасида Куко Мартина чиройли гол билан ҳисобни очди. Шундан сўнг Венгер шогирдлари танаффусга қадар гол уриш ҳаракат қилишган, баъзи вазиятларни яратишган бўлса, иккинчи бўлимда жамоа бутунлай парокандаликка учради.

Иккинчи 45 дақиқаликда Куман шогирдлари рақибнинг хатоларидан унумли фойдаланиб, қарши ҳужумларда "Арсенал" дарвозасига яна 3та гол уришга муваффақ бўлишди.

Бир ҳафта олдин "Манчестер Сити"дан 3 очко олган "канонирлар", бу сафар нурсиз ўйин орқали йирик ҳисобда ютқазди. Натижада улар 1-ўринга кўтарилиш имкониятини қўлдан чиқариш билан бирга, "Сити"ни ўзларига яқинлаштириб қўйишди.

АПЛ, 18-тур
Саутгемптон – Арсенал 4:0 (1:0, 3:0)
Голлар: 1:0 – 19 Мартина, 2:0 – 55 Лонг, 3:0 – 69 Фонте, 4:0 – 90 Лонг.
Саутгемптон – Стекеленбург, Мартина, Фонте, ван Дейк, Бертран, Ваньяма, Класи (Ромеу, 67), Уорд-Проуз (Тадич, 71), Мане (Хуанми, 81), Дэвис, Лонг.
Арсенал – Чех, Бельерин, Мертесакер, Косьельни, Монреаль, Рэмзи, Фламини (Чемберс, 73), Кэмпбелл (Окслейд-Чемберлен, 64), Ўзил, Уолкотт (Ивоби, 78), Жиру.
Огоҳлантириш: Лонг (34).